Ադրբեջանի մուտքը ԽՍՀՄ «ռուսական բանակի ներխուժում և օկուպացիա» էր․ Ալիև

Իլհամ Ալիևը Ադրբեջանի մուտքը ԽՍՀՄ «ռուսական բանակի ներխուժում և օկուպացիա» է անվանել։

«1917 թվականին Ռուսական կայսրության փլուզումից հետո ստեղծվեց Ադրբեջանի Դեմոկրատական Հանրապետությունը։ Այն մուսուլմանական աշխարհում առաջին ժողովրդավարական Հանրապետությունն էր, որը հիմնադրվել է 1918 թվականի մայիսին։ Այն գոյատևեց մինչև 1920 թվականի ապրիլը, երբ ռուսական բանակը ներխուժեց Ադրբեջան և օկուպացրեց երկիրը։ Բոլշևիկները խաբեցին ժողովրդին։ Մենք ստեղծել ենք մեր սեփական պետությունը։ Բայց բոլշևիկները մեզնից խլեցին։

Կրկին հիշեցնեմ 1920 թվականի ապրիլին ռուսական բանակը ներխուժեց Ադրբեջան և օկուպացրեց այն։ Այդ տարվա նոյեմբերին, դրանից ընդամենը մի քանի ամիս անց, Խորհրդային Ռուսաստանի կառավարությունը որոշեց Ադրբեջանից խլել Զանգեզուրը, որը մենք անվանում ենք Արևմտյան Զանգեզուր, և այն հանձնել Հայաստանին», - ասել է Ադրբեջանի նախագահը։