Ռուս խաղաղապահների դուրսբերումը Ղարաբաղից լրացուցիչ խթան հաղորդեց խաղաղության գործընթացին. Բայրամով
Ռուս խաղաղապահների դուրսբերումը Ղարաբաղից լրացուցիչ խթան հաղորդեց խաղաղության գործընթացին: Այս մասին հայտնել է Ադրբեջանի արտաքին գործերի նախարար Ջեյհուն Բայրամովը:
«Այս գործընթացը նաև դրական ազդեցություն է ունեցել խաղաղության համաձայնագրի շուրջ բանակցությունների վրա։ 2023 թվականի «հակաահաբեկչական» միջոցառումներից հետո Ղարաբաղի հարցը, որը Հայաստանը վաղուց փորձում էր առաջ մղել բանակցային գործընթացում, ամբողջությամբ հանվեց բանակցությունների սեղանից։ Իսկ ռուս խաղաղապահների դուրսբերումը տարածաշրջանից նոր իրողությունների ֆոնին՝ նրանց մանդատի ժամկետի ավարտից մեկուկես տարի առաջ, լրացուցիչ խթան հաղորդեց խաղաղության գործընթացին»,- ասել է Բայրամովը:
