«ՀայՓոստ» ՓԲԸ–ի տնօրենի տեղակալ Արման Աբրահամյանը ձերբակալվել է
Հակակոռուպցիոն կոմիտեն հաստատում է, որ «ՀայՓոստ» ՓԲԸ–ի տնօրենի տեղակալ Արման Աբրահամյանը ձերբակալվել է։
«Ժողովուրդ» օրաթերթն ավելի վաղ հայտնել էր, որ Աբրահամյանը ձերբակալվել է և կասկածվում է Պետգույքի կառավարման կոմիտեում նախկին պաշտոնավարման ժամանակ մոտ 200 մլն դրամի ենթադրյալ չարաշահման գործով։
Հակակոռուպցիոն կոմիտեում քննվող քրեական վարույթի շրջանակում պաշտոնեական լիազորությունների չարաշահման մեղադրանքով ձերբակալվել է «Գույքի գնահատման և աճուրդի կենտրոն» ՊՈԱԿ-ի նախկին գլխավոր տնօրենը: Այս մասին Sputnik-ին հայտնել են ՀՀ հակակոռուպցիոն կոմիտեից։
