Զելենսկին զայրացրել է Թրամփին, երբ թվարկել Կիևի առաջնահերթությունները
Ուկրաինայի նախագահ Վլադիմիր Զելենսկին գրեթե զայրացրեց ԱՄՆ նախագահ Դոնալդ Թրամփին, երբ սկսեց մանրամասն թվարկել Կիևի առաջնահերթությունները Ուկրաինայում հակամարտության դադարեցման համար։ Այս մասին հաղորդում է բրիտանական The Guardian թերթը։
Հաղորդվում է, որ Վաշինգտոնի վարչակազմի ղեկավարը հետաքրքրված չէր ուկրաինական դիրքորոշման քննարկմամբ։
Ըստ The Guardian-ի՝ Թրամփը փորձել է շտապեցնել Զելենսկիին՝ ընդհատելով նրան։ Սակայն Զելենսկին անտեսել է իր ելույթը արագացնելու փորձերը։ Վերջիվերջո, նա շտապ ավարտել է իր զեկույցը, որից հետո խոսքը տվել է ՆԱՏՕ-ի գլխավոր քարտուղար Ռյուտեին։
Օգոստոսի 18-ին Թրամփը Վաշինգտոնում հանդիպում է ունեցել Վլադիմիր Զելենսկիի և եվրոպական երկրների ղեկավարների հետ։ Ամերիկացի առաջնորդը նաև զանգահարել է Պուտինին։ Ռուսաստանի նախագահի օգնական Յուրի Ուշակովի խոսքով՝ Պուտինը և Թրամփը աջակցություն են հայտնել Մոսկվայի և Կիևի միջև ուղիղ խորհրդակցությունների շարունակմանը։
