ԱՄՆ-ի պատժամիջոցները կարող են նույնքան մահացու լինել, որքան պատերազմը. Արաղչի

 Իրանի արտաքին գործերի նախարար Աբբաս Արաղչին կոչ է արել ԱՄՆ պատժամիջոցների զոհ դարձած երկրներին միավորվել։

Այսօր իր X էջում արված գրառման մեջ Արաղչին մեջբերել է Lancet Global Health ամսագրում հրապարակված «Միջազգային պատժամիջոցների ազդեցությունը տարիքային մահացության վրա. միջազգային տվյալների վերլուծություն» վերնագրով հոդվածը։

«Արևմտյան ռեժիմները վաղուց պնդում են, որ պատժամիջոցները պատերազմի անարյուն այլընտրանք են։ The Lancet-ի նոր ուսումնասիրությունը ցույց է տալիս, որ միակողմանի պատժամիջոցները, մասնավորապես ԱՄՆ-ի կողմից, կարող են նույնքան մահացու լինել, որքան պատերազմը։ 1970-ական թվականներից ի վեր տարեկան խլվում է 500+ հազար կյանք, հիմնականում երեխաներ և տարեցներ», - ասել է Իրանի արտաքին գործերի նախարարը։

«Ժամանակն է, որ ԱՄՆ-ի և նրա հանցակիցների կողմից կիրառվող անմարդկային պատժամիջոցները ճանաչվեն որպես մարդկության դեմ ուղղված հանցագործություններ», - հայտարարել է նա։