Երևանում ավտոմեքենայի պայթյունից 6 տուժածներից մեկի վիճակը ծանր է

Երևանում Մ. Բաբաջանյան և Աճառյան փողոցների խաչմերուկում ավտոմեքենայի պայթյուն էր տեղի ունեցել։ 6 տուժածներ տեղափոխվել են Այրվածքաբանության և մաշկաբանության ազգային կենտրոն, նրանց վիճակը կայուն է: Այս մասին հայտնում է Radar Armenia-ն:

«Ծանր վիճակում մեծ տղան է միայն, որի այրվածքները այտուցված են, բայց այժմ մասնագետներ ենք բերել, որ նայեն»,-ասել են բուժհաստատությունից։

Հիշեցնենք`Մ. Բաբաջանյան և Աճառյան փողոցների խաչմերուկում ավտոմեքենայի պայթյունից 6 տուժած ընդունվել է ԱՆ «Այրվածքաբանության և մաշկաբանության ազգային կենտրոն»: Տուժածներից 5-ը վերակենդանացման բաժանմունքում են, նրանց առողջական վիճակը գնահատվում է ծանր: