Թրամփն առանձին հանդիպում կունենա Փաշինյանի հետ. ԶԼՄ
Լրագրող Ալեքս Ռաուֆօղլուն, հղում անելով անանուն աղբյուրներին, որոշ մանրամասներ է հայտնել վաշինգտոնյան հնարավոր հանդիպումից։ Նա պնդում է, որ Թրամփը նախ երկկողմ հանդիպում կունենա Նիկոլ Փաշինյանի հետ ուրբաթ օրը։
Այնուհետև՝ տեղի կունենա Թրամփի և Ալիևի երկկողմ հանդիպումը։
Դրանից հետո երեք առաջնորդները կանեն ինչ-որ «համատեղ հայտարարություն», պնդում է լրագրողը։
Հիշեցնենք` Թրամփը կընդունի Ալիևին և Փաշինյանին Սպիտակ տանը: Լրագրող Ալեքս Ռաուֆօղլուին հայտնել են, որ Հայաստանն ու Ադրբեջանը պատրաստ են այս շաբաթվա վերջում Վաշինգտոնում հայտարարել խաղաղության հասնելու իրենց մտադրության մասին։
Ավելի վաղ հայտնել էինք, որ Վարչապետ Փաշինյանի՝ ԱՄՆ կատարելիք այցի մասին մամուլում և սոցիալական ցանցերում շրջանառվող տեղեկատվությունն այս պահին չենք կարող ո՛չ հերքել, ո՛չ հաստատել։ Այս մասին հայտնել էր ՀՀ կառավարությունը:
