Թրամփը սպառնացել է Մեդվեդևին․ փոխանցենք Ռուսաստանի «ձախողված» նախկին նախագահին՝ զգույշ լինի իր խոսքերում
ԱՄՆ նախագահ Դոնալդ Թրամփը վիրավորական տեքստ է հրապարակել՝ ուղղված ՌԴ Անվտանգության խորհրդի փոխնախագահ Դմիտրի Մեդվեդևին՝ ԱՄՆ-ի հետ պատերազմի մասին ռուս քաղաքական գործչի հայտարարությունների համատեքստում:
«Ինձ չի հետաքրքրում, թե ինչ է անում Հնդկաստանը Ռուսաստանի հետ։ Թող նրանք միասին քաշեն իրենց մեռած տնտեսությունները դեպի ներքև։ Մենք Հնդկաստանի հետ շատ քիչ գործարքներ են կնքել, նրանց դեմ սահմանված մաքսատուրքերը չափազանց բարձր են։ Նույնը նաև Ռուսաստանն ու ԱՄՆ -ն, գրեթե առևտուր չեն անում միմյանց հետ։
Եկեք ամեն ինչ թողնենք այնպես, ինչպես կա և փոխանցենք Մեդվեդևին՝ Ռուսաստանի ձախողված նախկին նախագահին, որը դեռ կարծես իրեն նախագահ է համարում, ասեք, որ զգույշ լինի իր խոսքերում. նա մտնում է չափազանց վտանգավոր տարածք»,- գրել է ԱՄՆ նախագահը։
Նրա խոսքով՝ ԱՄՆ-ի և Ռուսաստանի միջև գործնականում առևտրային հարաբերություններ չկան և հետագայում այդպես էլ կմնան։
