ԵԱՀԿ-ն Լեռնային Ղարաբաղում նույնպես ձախողվեց․ Լավրով
Ռուսաստանի Դաշնության արտգործնախարար Սերգեյ Լավրովը «Российская газета» պարբերականում հոդված է հրապարակել։ «Հելսինկյան ակտի կես դարը. ակնկալիքներ, իրականություն, հեռանկարներ» հոդվածում նախարարը նշել է, որ ԵԱՀԿ-ն ի վիճակի չէր արդյունավետորեն գործել Լեռնային Ղարաբաղում։
«ԵԱՀԿ-ն Լեռնային Ղարաբաղում նույնպես ձախողվեց։ Մինսկի խումբը չկարողացավ ստեղծել հակամարտող կողմերի միջև երկխոսության պայմաններ, և այն բանից հետո, երբ դրա արևմտյան մասնակիցները հրաժարվեցին Ռուսաստանի հետ փոխգործակցությունից, այն կորցրեց իր ողջ իմաստը»,- գրել է Լավրովը։
Նրա խոսքով՝ ԵԱՀԿ-ն ապագա չունի, եթե ՆԱՏՕ-ի և ԵՄ երկրները վերջապես խախտեն կոնսենսուսի կանոնը և շարունակեն օգտագործել Վիեննայի հարթակը որպես իրենց սեփականություն՝ Ռուսաստանին և այլ «անհնազանդ» երկրներին դիվայինացնելու և Կիևում իրենց հովանավորյալներին պաշտպանելու լայնածավալ քարոզչական արշավի համար։
