Լավրովը՝ Ռուբիոյի ԱՄՆ-ի և Ռուսաստանի միջև հնարավոր պատերազմի հայտարարության մասին

Ամերիկյան վարչակազմը գիտակցում է ներկայիս իրողությունները և ձգտում է հաշվի առնել Ուկրաինայում ճգնաժամի արմատական պատճառները։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը։

Լավրովը նշել է, որ եթե եվրոպական երկրները «հիստերիկորեն պահանջում են Ուկրաինան ներքաշել ՆԱՏՕ և պատրաստվել Ռուսաստանի հետ պատերազմի», ապա ԱՄՆ պետքարտուղար Մարկո Ռուբիոն վերջերս հայտարարել է, որ Վաշինգտոնի և Մոսկվայի միջև ուղղակի ռազմական բախում երբեք չպետք է թույլատրվի։

«Մենք լիովին համաձայն ենք դրա հետ։ Եվ սա նաև ռուս-ամերիկյան երկխոսության ընթացքում ձեռք բերված փոխըմբռնման արդյունք է», - ընդգծել է Լավրովը։