Գազայում հումանիտար ճգնաժամերի վերջը կլինի ՀԱՄԱՍ-ի կապիտուլյացիայից հետո. Թրամփ

ԱՄՆ նախագահ Դոնալդ Թրամփը Գազայի հատվածում հումանիտար ճգնաժամի ավարտի պայման է համարել ՀԱՄԱՍ շարժման կապիտուլյացիան և պահվող պատանդների ազատ արձակումը։

«Գազայում հումանիտար ճգնաժամերին վերջ դնելու ամենաարագ ճանապարհն այն է, որ ՀԱՄԱՍ-ը հանձնվի և ազատ արձակի պատանդներին», - գրել է Թրամփը իր Truth Social հարթակում:

Հիշեցնենք` 2023 թ. հոկտեմբերի 7-ին ՀԱՄԱՍ-ը հարձակում իրականացրեց Իսրայելի վրա, որի հետևանքով զոհվեց ավելի քան 1200 մարդ, շուրջ 250-ը գերեվարվեց։ Ի պատասխան՝ Իսրայելի զինվորականները ՀԱՄԱՍ-ի դեմ գործողություն սկսեցին Գազայի հատվածում, որտեղ իսրայելական հարվածների զոհերի թիվն արդեն գերազանցել է 60 000-ը։ ՀԱՄԱՍ-ի մոտ դեռ պահվում է շուրջ 50 պատանդ, որոնց մի մասը կարող է ողջ լինել։