Ռուսաստանը սպասում է Ուկրաինայի արձագանքին․ Պեսկով
Ռուսաստանը սպասում է Ուկրաինայի արձագանքին՝ Ստամբուլում վերջին բանակցությունների ժամանակ հնչած աշխատանքային խմբեր ստեղծելու վերաբերյալ։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, գրում է «Ռիա Նովոստի»-ն։
«Ոչ, այս հարցի շուրջ դեռևս փոխըմբռնում չկա, մենք սպասում ենք», - լրագրողներին ասել է Պեսկովը։
Հավելենք՝ Ռուսաստանի և Ուկրաինայի պատվիրակությունների միջև բանակցությունների երրորդ փուլը տեղի է ունեցել անցյալ շաբաթ՝ Ստամբուլի Չիրագան պալատում և տևել է մոտ մեկ ժամ։ Բանակցությունների ընթացքում Ռուսաստանը առաջարկել է Ուկրաինային ստեղծել երեք աշխատանքային խումբ, որոնք կաշխատեն առցանց։
