Կոչ ենք անում Բաքվին և Երևանին արագացնել խաղաղության համաձայնագրի ստորագրումը․ Իրանի ԱԳՆ
Իրանի արտաքին գործերի նախարարության պաշտոնական ներկայացուցիչ Իսմայիլ Բեղային մամուլի ասուլիսում կոչ է արել Ադրբեջանին և Հայաստանին արագացնել և ավարտել խաղաղության համաձայնագրի ստորագրման գործընթացը։ Այս մասին հայտնում է APA.az-ը։
«Իրանը կոչ է անում Բաքվին և Երևանին արագացնել խաղաղության համաձայնագրի ստորագրումը։
Հարավային Կովկասում տեղի ունեցող գործընթացներին արտաքին ուժերի ներգրավվածության մասին լուրերը հերքվել են տարածաշրջանի երկրների կողմից», - ասել է Իրանի ԱԳՆ պաշտոնական ներկայացուցիչը։
