Իրանում պատգամավորներին արգելել են հեռախոսով մտնել խորհրդարանի շենք
Իրանի պատգամավորները աշխատանքի վայրում մնացել են առանց բջջային հեռախոսների։
Իրանական լրատվամիջոցները հաղորդում են, որ Իրանի խորհրդարանի խոսնակ Մոհամմադ Բաղեր Ղալիբաֆը արգելել է պատգամավորներին բջջային հեռախոսներ օգտագործել խորհրդարանի շենքում։
Խոսնակի խոսքով՝ հեռախոսները շեղում են պատգամավորների ուշադրությունը իրենց անմիջական պարտականությունների կատարումից։
Իր հերթին, որոշման հակառակորդները պնդում են, որ հեռախոսները իրականում օգնում են պատգամավորներին կատարել իրենց պարտականությունները, քանի որ թույլ են տալիս նրանց կապ պահպանել ընտրողների հետ։
