Զախարովան` Ադրբեջանի հետ հարաբերությունների և ձերբակալված ռուսների մասին
Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, որ Բաքվի կողմից ձերբակալված ռուսների ազատ արձակումը նշանակալի քայլ կլինի Ռուսաստանի և Ադրբեջանի միջև հարաբերությունների կարգավորման ուղղությամբ։
«Այս պահին Ադրբեջանի հետ երկկողմ հարաբերությունները, մեղմ ասած, դժվարին փուլում են։ Ռուսաստանը ձգտում է ապահովել, որ դրանք չձգձգվեն, և մենք հույս ունենք արագ կարգավորման վրա։ Այս ճանապարհին նշանակալի քայլ կլինի այն ռուս քաղաքացիների ազատ արձակումը, որոնք շարունակում են պահվել Ադրբեջանի իշխանությունների կողմից», - ասել է նա ճեպազրույցի ժամանակ։
Հիշեցնենք` Մոսկվայում Ադրբեջանի դեսպան Ռահման Մուստաֆաևին բողոքի նոտա է հանձնվել Բաքվում ձերբակալված ռուս լրագրողներին անհապաղ ազատ արձակելու պահանջով: Այս մասին ասվում է ՌԴ ԱԳՆ հաղորդագրության մեջ։
