Մոսկվան Բաքվի գործողությունները ոչ բարեկամական է համարում

Մոսկվայում Ադրբեջանի դեսպան Ռահման Մուստաֆաևին բողոքի նոտա է հանձնվել Բաքվում ձերբակալված ռուս լրագրողներին անհապաղ ազատ արձակելու պահանջով: Այս մասին ասվում է ՌԴ ԱԳՆ հաղորդագրության մեջ։


«Հուլիսի 1-ին Ռուսաստանում Ադրբեջանի դեսպան Ռահման Մուստաֆաևը կանչվել է Ռուսաստանի ԱԳՆ։ Փոխնախարար Միխայիլ Գալուզինի հետ հանդիպման ժամանակ դեսպանին բողոք է ներկայացվել՝ կապված Բաքվի ոչ բարեկամական գործողությունների, ադրբեջանական կողմից երկկողմ հարաբերությունները խաթարելու միտումնավոր քայլերի հետ, - նշվում է հաղորդագրության մեջ:


«Ադրբեջանի դիվանագիտական առաքելության ղեկավարին նոտա է հանձնվել՝ Բաքվում ձերբակալված ռուսաստանցի լրագրողներ Իգոր Կարտավիխին և Եվգենի Բելոուսովին անհապաղ կալանքից ազատելու պահանջով»,-նշել են նախարարությունից:


Ռուսաստանի իրավապահ մարմիններին լիազորությունների չարաշահման մեջ մեղադրելու՝ Բաքվի փորձերը միջամտություն են Ռուսաստանի ներքին գործերին. ընդգծել են ԱԳՆ-ում:


Հիշեցնենք` Ադրբեջանի ՆԳՆ-ն քրեական գործ է հարուցել «Sputnik Ադրբեջանի» դեմ, կատարվել են մի շարք ձերբակալություններ։

Քաղաքականություն