Ռուսաստանում կործանված ինքնաթիռից փաստաթղթեր են հայտնաբերվել ու առգարվել
Ամուրի մարզում ինքնաթիռի վթարից հետո քննիչները խուզարկություններ են անցկացնում ավիաընկերությունում, ինչպես նաև օդանավակայանում: Հայտնաբերված փաստաթղթերն առգրավվել են։ Ինչպես հաղորդում է «ՏԱՍՍ»-ը, այս մասին հայտնել է Ռուսաստանի Դաշնության քննչական կոմիտեի պաշտոնական ներկայացուցիչ Սվետլանա Պետրենկոն։
«Ռուսաստանի Դաշնության քննչական կոմիտեի քննիչներն աշխատում են Ամուրի մարզում ինքնաթիռի վթարի վայրում, ինչպես նաև խուզարկություն և փաստաթղթերի առգրավում են իրականացնում ավիափոխադրող կազմակերպություններում», - ասել է նա։
Հավելենք՝ «Անգարա» ավիաընկերության Ան-24 ուղևորատար ինքնաթիռը վթարի է ենթարկվել Ամուրի մարզի Տինդայի օդանավակայանում վայրէջքի երկրորդ մոտեցումից հետո: Տարբեր աղբյուրների համաձայն, ինքնաթիռում եղել է 46-ից 49 մարդ, այդ թվում՝ անձնակազմի անդամները: Բոլոր ուղևորները մահացել են: Տեղեկատվություն հաստատվել է Ռուսաստանի քննչական կոմիտեն:
