Լարված իրավիճակ Ուկրաինայի քաղաքներում. ցուցարարները գիշերում են փողոցներում

Կիևում արդեն քանի օր է, բողոքի ցույցեր են ընթանում: Ցուցարարները գիշերում են փողոցներում, նրանք շարունակում են սկանդալային օրենքի դեմ բողոքի ցույցերն, ինչպես նաև պահանջում են՝ Վլադիմիր Զելենսկու գրասենյակի ղեկավար Անդրեյ Երմակը հրաժարական տա, գրում է Strana.ua-ն։

«Իրավապահ մարմինների տվյալներով՝ ցուցարարները չեն հեռանում, գիշերում են փողոցներում, նրանց թիվը գնալով ավելանում է։ Հնարավոր է, որ այսօր երեկոյան նրանց թիվը կրկնապատկվի», - նշվում է հայտարարության  մեջ։

Հիշեցնենք՝ ավելի վաղ հայտնել էինք, որ Ուկրաինայում շարունակվում են կոռուպցիայի դեմ պայքարի երկու մարմինների լուծարման դեմ բողոքի ցույցերը։ Բողոքի ցույցեր են տեղի ունեցել Կիևում, Լվովում, Դնեպրոպետրովսկում, Օդեսայում և այլ քաղաքներում։