14:00 Լուրերը մեկ տողով. Վարչապետի դեմ արված տեսանյութից հետո՝ քրեական վարույթ. կարևոր հայտարարություն ԿԸՀ-ից

 Անցած ժամվա լուրերը՝ հակիրճ և բովանդակային.

•Իրավապահները քրեական վարույթ են նախաձեռնել համակարգչային սաբոտաժի, զենքի ապօրինի շրջանառության և վարչապետի նկատմամբ սպանության սպառնալիք պարունակող տեսանյութ տարածելու դեպքի առթիվ։

•Գործադիր իշխանության ներկայացուցիչները մեկնաբանել են նախընտրական քարոզարշավի ժամանակ վարչապետի և քաղաքացու միջև տեղի ունեցած միջադեպը՝ դատապարտելով քաղաքական շահարկումներն ու տեռորիզմի վերադարձի փորձերը։

•Ընդդիմադիր ուժերը քննադատել են տարեցների ներուժի անտեսումը՝ կոչ անելով թոշակի անցած մասնագետներին ներգրավել պետության զարգացման և սերունդների կապի ապահովման գործում։

•Ադրբեջանի ղեկավարությունը հայտարարել է պատմական ժառանգության պահպանման մասին և տեղեկացրել, որ Արցախի օկուպացված տարածքներում արդեն տասնյակ հազարավոր ադրբեջանցիներ են բնակեցվել։ Նրա խոսքով՝ Ադրբեջանի ազատագրված տարածքներում (օկուպացված Արցախում ) արդեն ապրում է 85,000 մարդ։

•ԵՄ գերագույն հանձնակատար Կայա Կալասը հայտարարել է, որ Ռուսաստանը, Չինաստանը և ԱՄՆ-ն շահագրգռված չեն միասնական Եվրոպայի գոյությամբ և ձգտում են պառակտել այն, քանի որ միասնական բլոկն անհամեմատ ավելի հզոր քաղաքական ու տնտեսական ուժ է։ 

•Կենտրոնական ընտրական հանձնաժողովը պարզաբանել է ընտրողների ցուցակներում սեփական տվյալների ստուգման կարգը և անհամապատասխանությունների դեպքում լիազոր մարմնին դիմելու վերջնաժամկետները։