Արամ Սարգսյանի սպանությունը նախապատրաստողին կալանավորելու միջնորդություն է ներկայացվել
«Հանրապետություն» կուսակցության ղեկավար Արամ Սարգսյանի սպանությունը նախապատրաստելու մեջ մեղադրվող անձին կալանավորելու միջնորդություն է ներկայացվել դատարան։ Այս մասին Auroranews-ին հայտնել է Քննչական կոմիտեի նախագահի մամուլի քարտուղար Կիմա Ավդալյանը։
Հիշեցնենք, որ Քննչական կոմիտեի վարույթում քննվում է Քրեական օրենսգրքի 43-155-րդ հոդվածի և 335-ի 1-ին մասի հոդվածների հատկանիշներով նախաձեռնված վարույթ, որի շրջանակներում Արարատի մարզի բնակիչ Ստեփան Սամվելյանը մեղադրվում է Արամ Սարգսյանի սպանությունը նախապատրաստելու և հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառության համար։ Թե ինչն է եղել ենթադրյալ հանցավոր արարքի շարժառիթը, մեզ այս պահին հայտնի չէ։
