Եվրամիությունն ԱՄՆ-ին սպառնում է հակաքայլերով

Եվրամիությունը պատրաստ է հակաքայլեր սահմանել ԱՄՆ-ի դեմ առևտրային հարաբերությունների շուրջ բանակցությունների ձախողման դեպքում: Այդ մասին հայտարարել է Եվրահանձնաժողովի ղեկավար Ուրսուլա ֆոն դեր Լյայենը:

Հայտարարությունը արվել է այն բանից հետո, երբ ԱՄՆ նախագահ Դոնալդ Թրամփը հայտարարել է օգոստոսի 1-ից ԵՄ-ից ներկրման համար 30 տոկոս մաքսատուրքեր սահմանելու մասին:

«ԵՄ-ի շահերը պաշտպանելու համար մենք կձեռնարկենք բոլոր անհրաժեշտ քայլերը, այդ թվում, ըստ անհրաժեշտության, համաչափ հակաքայլերի ընդունումը», - ասել է Եվրահանձնաժողովի ղեկավարը:

Նա ընդգծել է, որ Բրյուսելը մտադիր է ԱՄՆ-ի հետ առևտրային հարաբերությունների շուրջ բանակցությունները շարունակել մինչև օգոստոսի 1-ը: