Թրամփը հայտարարել է ԵՄ-ից ապրանքների համար 30 % մաքսատուրք սահմանելու մասին
ԱՄՆ նախագահ Դոնալդ Թրամփը հայտարարել է, որ ԱՄՆ-ն օգոստոսի 1-ից 30 տոկոս մաքսատուրքեր կսահմանի Եվրամիությունից ապրանքների համար, ընդ որում՝ նախկինում սահմանված ոլորտային տուրքերը կմնան ուժի մեջ:
Թրամփը իր Truth Social սոցցանցում գրառում է կատարել․
«2025 թվականի օգոստոսի 1-ից սկսած՝ մենք ԵՄ-ից 30 տոկոսի չափով տուրք ենք գանձելու ԱՄՆ ուղարկվող իր ապրանքների համար՝ բոլոր ոլորտային տուրքերից առանձին»
Գրառումը ուղղված է եղել Եվրահանձնաժողովի ղեկավար Ուրսուլա ֆոն դեր Լյայենին:
Գրառման մեջ նշվում է, որ եթե ամերիկյան ապրանքների համար ԵՄ-ն ցանկանա բարձրացնել իր մաքսատուրքերը, ապա ԱՄՆ-ն այդ թիվը կավելացնի իր 30 տոկոս մաքսատուրքերին:
