Ֆինլանդիայի նոր օրենքը կոշտ արձագանք է ստացել Կրեմլից

Ֆինլանդիայի նախագահ Ալեքսանդր Ստուբը հաստատել է «Ատոմային էներգիայի մասին» օրենքում փոփոխություններ կատարելու մասին օրինագիծը, որը վերացնում է երկրում միջուկային զենքի ներմուծման, արտադրության, պահպանման և օգտագործման արգելքը: Համապատասխան փաստաթուղթը հրապարակվել է Ֆինլանդիայի խորհրդարանի կայքում: Փոփոխությունները ուժի մեջ կմտնեն հուլիսի 1-ից:

Ավելի վաղ, Politico-ն հաղորդել էր , որ ֆինլանդացի խորհրդարանականները մեծամասնությամբ (125-ից 61 դեմ) քվեարկել են փոփոխությունների կիրառման օգտին ։ Ֆինլանդիայի պաշտպանության նախարար Անտի Հականենը այս քայլը անվանել է «կենսական» Ֆինլանդիայի անվտանգության համար, սակայն ընդգծել է, որ երկիրը չի պլանավորում իր տարածքում մշտապես միջուկային զենք տեղակայել։

Երբ նախաձեռնությունը քննարկման փուլում էր, Կրեմլը այն գնահատեց որպես առճակատում ։ «Եվ առճակատում կենտրոնացված ձևով», - նշեց Ռուսաստանի նախագահի մամուլի խոսնակ Դմիտրի Պեսկովը։ 

Կրեմլը Ֆինլանդիայում միջուկային զենքի տեղակայումը կդիտարկի որպես ուղղակի սպառնալիք , որին Մոսկվան ստիպված կլինի պատասխան միջոցներ ձեռնարկել, զգուշացրեց նա։