Թրամփը հիասթափված է Ռուսաստանից և գոհ չէ Պուտինից
Վաշինգտոնը զենքեր է ուղարկում Ուկրաինային ՆԱՏՕ-ի միջոցով։ Այս մասին հայտարարել է ԱՄՆ նախագահ Դոնալդ Թրամփը:
Նա նշել է, որ հիասթափված է Մոսկվայից և Ռուսաստանի հարցով հուլիսի 14-ին շատ «կարևոր հայտարարություն» կանի։
«Մենք զենքեր ենք ուղարկում ՆԱՏՕ-ին, և ՆԱՏՕ-ն վճարում է այդ զենքերի համար 100%-ով։ Մենք Patriot-ներ կուղարկենք ՆԱՏՕ-ին, իսկ հետո ՆԱՏՕ-ն կբաշխի դրանք»,- ասել է Թրամփը:
Հուլիսի 8-ին Թրամփը հայտարարել էր, որ Վաշինգտոնը պաշտպանական սպառազինություն կուղարկի Ուկրաինային՝ Ռուսաստանի առաջխաղացման ֆոնին։
Թրամփը վերջին օրերին բազմիցս նաև հայտարարել էր, որ գոհ չէ ՌԴ նախագահ Վլադիմիր Պուտինից։
