Հռոմում անցկացվել է Ուկրաինային աջակցության հարցով համաժողով

Ուկրաինային աջակցության հարցով Հռոմում անցկացվող համաժողովին առաջին անգամ միացել են ԱՄՆ-ի ներկայացուցիչները՝ նախագահի հատուկ բանագնաց Քիթ Քելոգը և սենատորներ Լինդսի Գրեհեմն ու Ռիչարդ Բլումենթալը:

Մեծ Բրիտանիայի վարչապետը և Ֆրանսիայի նախագահը գագաթնաժողովին միացել են տեսակապով: Քիր Սթարմերը և Էմանուել Մակրոնը կոչ են արել մեծացնել ճնշումը և նոր պատժամիջոցներ սահմանել Ռուսաստանի նկատմամբ՝ ապահովելու Ուկրաինայում կրակի դադարեցումը:

Կոնֆերանսի մասնակիցները 10 միլիոն եվրո են խոստացել Ուկրաինայի վերակառուցման համար:

Նախքան գագաթնաժողովի մեկնարկը Ուկրաինայի նախագահը հանդիպումներ է անցկացրել Գերմանիայի կանցլերի, Իտալիայի, Ֆինլանդիայի և Նիդերլանդների վարչապետների հետ: Ֆրիդրիխ Մերցը հայտարարել է, որ Գերմանիան պատրաստ է լրացուցիչ Patriot զենիթահրթիռային համակարգեր գնել ԱՄՆ-ից և դրանք մատակարարել Ուկրաինային: Նա նաև նշել է, որ Ռուսաստանը պետք է Ուկրաինային վճարի 500 միլիարդ եվրոյի փոխհատուցում, այլապես հասանելիություն չի ստանա իր սառեցված ակտիվներին: