Հայաստանում օդի ջերմաստիճանը հուլիսի 10-ից աստիճանաբար կբարձրանա
Օդերևութաբանների կանխատեսումների համաձայն` որոշ հատվածներում քամին կուժգնանա։
Այսօր և առաջիկա երեք օրերին Հայաստանում տեղումներ չեն սպասվում։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։
Երեկոյան ժամերին Արմավիրում, Կոտայքի և Արագածոտնի նախալեռներում, Երևանում սպասվում է քամու ուժգնացում՝ 18-20մ/վ արագությամբ։
«Օդի ջերմաստիճանը հուլիսի 10-14-ին աստիճանաբար կբարձրանա՝ 6-9 աստիճանով»,– ասված է հաղորդագրությունում։
Այսօր Երևանում ցերեկային ժամերին օդի ջերմաստիճանը կտատանվի +32-34, իսկ գիշերը` +19-21 աստիճանի սահմաններում։
