Ռուսաստանը կրկին զանգվածային հարվածներ է հասցրել Կիևին. կան զոհեր և վիրավորներ
Ռուսական զինուժը գիշերը կրկին զանգվածային հարվածներ է հասցրել Կիևին: Ուկրաինայի մայրաքաղաքը հարձակման է ենթարկվել տասնյակ «Շահեդ» անօդաչու սարքերով, ինչպես նաև ռուսական զինված ուժերը երկու ալիքով հրթիռներ են արձակել Կիևի և հարակից տարածքների ուղղությամբ՝ սկզբում բալիստիկ, ապա թևավոր: Այս մասին հայտնում է BBC-ն։
Հարձակման հետևանքով Կիևում զոհվել է երկու մարդ, հայտնել են տեղական իշխանությունները։
«Ցավոք, ունենք երկու զոհ: Այս մարդկանց սպանել են ռուսները»,- տելեգամի իր ալիքում գրել է Կիևի ռազմական վարչակազմի ղեկավար Տիմուր Տկաչենկոն:
Տկաչենկոյի խոսքով՝ վիրավորների և տուժածների թիվը հասել է 13-ի:
