ԱԹՍ-ն հարվածել է մեքենային. կան զոհեր. ՌԴ
Ուկրաինայի զինված ուժերը դրոնի օգնությամբ Շեբեկինո-Բելգորոդ ավտոճանապարհի հատվածում թիրախային հարված են հասցրել մարդատար ավտոմեքենային: Նախնական տվյալներով` զոհվել է երկու մարդ։ Այս մասին հայտնել է ՌԴ Բելգորոդի մարզի մարզպետ Վյաչեսլավ Գլադկովը Telegram-ալիքում։
«Նախնական տվյալներով` տղամարդը և ուղևորը, որոնց ինքնությունը պարզվում է, զոհվել են թշնամու հերթական հարձակման հետևանքով... ստացած վնասվածքներից նրանք տեղում մահացել են: Մեքենան ամբողջությամբ այրվել է»,-նշել է մարզի ղեկավարը։
Մարզպետը ցավակցություն է հայտնել զոհվածների հարազատներին և մերձավորներին:
