Գոմից ոչ մի բանով չէր տարբերվում. բառեր չեմ գտնում. Հակոբ Արշակյան
«Չեմ ուզում կոպիտ ասել, բայց գոմից ոչ մի բանով չէր տարբերվում զուգարանը էն ժամանակ, երբ ես ծառայել եմ: Այն ժամանակ Սերժ Սարգսյանն էր պաշտպանության նախարարը: Եվ այսօր իր խմբակցության պոռոտախոս, չակերտավոր հայրենասերները, որոնք տարբեր որակումներ են փորձում մեզ տալ, թողել դուրս են եկել դահլիճից»,- այս մասին այսօր Աժ նախագահի տեղակալ Հակոբ Արշակյանը:
Հնարավոր չէ ունենալ առողջ բանակ, եթե քո բանակի հրամանատարությունը զբաղված է իր առանձնատները, շոգեբաղնիքները, լողավազանները բանակի, ազգային պարկերի ու ժողովրդի հաշվին սարքելով:
«Դա՞ է արդյոք մարտի 1-ի՝ ժողովրդին 5-6 հոգով մի տեղ չհավաքվելու հրահանգներ տալու գինը: Դա՞ են խցկել գրպանդ, լողավազանն ու շոգեբաղնիքը խցկել են գրպանդ, որովհետև դու մարտի 1-ին ժողովրդին սպառնո՞ւմ էիր: Քոչարյանի գեներալ, դա՞ է քո ուսադիրների գինը:
Բառեր չեմ գտնում, սիրելի՛ հայրենակիցներ, արտահայտելու իմ զայրույթը, հուզմունքը, զարմանքը»,- ասել է Արշակյանը:
Հիշեցնենք` այսօր «Հայաստան» և «Պատիվ ունեմ» խմբակցությունների պատգամավորները լքել էին ԱԺ նիստերի դահլիճը՝ չցանկանալով մասնակցել Սեյրան Օհանյանի հարցով քննարկմանը:
