Թե՛ ամուսնացյալ, թե կուսակրոն հոգևորականները համախմբված են․ Տեր Եսայի

Այս շաբաթը հագեցված էր տոներով, որոնք ներկայացնում են այն իրողությունը՝ պատմական ու հոգևոր խորհուրդներով, որոնք տեղի են ունեցել Արարատյան դաշտում, լրագրողների հետ զրույցում ասաց Մայր Աթոռի տեղեկատվական համակարգի տնօրեն Տեր Եսայի քահանա Արթենյանը:

Անդրադառնալով եկեղեցու նկատմամաբ ոտնձգություններին՝ Տեր Եսայի քահանա Արթենյանը նշեց, որ դժվար է մեկ բառով ասել, թե դրանով ինչ խնդիր են փորձում լուծել. «Թե՛ ամուսնացյալ, թե կուսակրոն հոգևորականները համախմբված են, միաբան և էժանագին մանիպոիլյացիաները չեն աշխատելու երբևէ։Վերջին ամիսներին տեղի ունեցողը բոլորիս աչքի առջև է և Մայր Աթոռը տարբեր առիթներով իր դիրքորոշումն արտահայտել է: Պարզապես պետք է ասել՝ ցավալի է, որ հայ իրականության մեջ կարող են այսպիսի դրսևորումներ տեղի ունենալ: Սուրբ Էջմիածինը դարեր շարունակ ամուր կանգնած է եղել և դա վկայությունն է մեր հաղթական ոգու ամրության, ամուր դավանանքի: Այս փորձություններն էլ կանցնենք»: