Ենթադրաբար ուկրաինական կամիկաձե-դրոն է հայտնաբերվել Ստամբուլում
Ենթադրաբար ուկրաինական կամիկաձե-դրոն է հայտնաբերվել Ստամբուլի Շիլե արվարձանի լողափին։ Այս մասին հայտնում է Hürriyet թերթը։
Պարբերականի տվյալներով` Սև ծովի Ուզունկում լողափում հանգստացող քաղաքացիները ԱԹՍ հիշեցնող օբյեկտ են տեսել, խուճապի են մատնվել և դիմել են արտակարգ ծառայություններին:
Դեպքի վայր ժամանած սակրավորները շրջափակել են լողափի մի մասը։
«Դեռևս հստակ չի պարզվել, թե որտեղից է ժամանել օբյեկտը, բայց այն նման է ուկրաինական կամիկաձե- դրոններին և, ըստ ամենայնի, լցված է պայթուցիկներով։ Սակրավորները կուսումնասիրեն այն»,-հայտնել է թերթը։
