ֆրանսիան Ուկրանիայում ԱԹՍ-ներ կարտադրի
Ֆրանսիական Renault ավտոմոբիլային կոնցեռնը մտադիր է Ուկրաինայում անօդաչու թռչող սարքերի արտադրություն սկսել Ուկրաինայի զինված ուժերի և ֆրանսիական բանակի համար: Այս մասին հայտնել Է Franceinfo ռադիոկայանը։ Ընկերությունը սպառազինություն կարտադրի պաշտպանության ոլորտում մասնագիտացած ֆրանսիական փոքր և միջին ձեռնարկության հետ համագործակցությամբ:
Ավելի վաղ Ֆրանսիայի պաշտպանության նախարար Սեբաստիան Լեկորնյուն հայտնել էր, որ ֆրանսիական մի ավտոարտադրող այլ ընկերությունների հետ անօդաչու թռչող սարքերի համատեղ արտադրություն է ծավալելու Ուկրաինայում:
«Ձեռնարկությունում աշխատելու են հենց ուկրաինացի մասնագետները»,- նշել էր նախարարը։
Renault-ում հաստատել են, որ անօդաչու թռչող սարքերի արտադրության հնարավորության վերաբերյալ Ֆրանսիայի պաշտպանության նախարարությունը դիմել է ավտոկոնցեռնին:
