Վրաստանի գյուղատնտեսության նախարարի այցը Հայաստան չեղարկվել է

Վրաստանի գյուղատնտեսության նախարար Դավիթ Սոնգուշվիլին այսօր պետք է Երևան այցելեր սահմանին կանգնած բեռնատարների հարցը քննարկելու համար: ՀՀ էկոնոմիկայի նախարարությունից հայտնել են, որ բրա այցը Հայաստան չեղարկվել է:

«Վրաստանի գյուղատնտեսության փոխնախարարը անձամբ կապ է հաստատել նախարար Պապոյանի հետ, ներողություն են խնդրել ու հայտնել, որ նախարարը աշխատանքային ծանրաբեռնվածությամբ պայմանավորված չի կարողանալու գալ, փոխնախարարն ինքը կգա»,- նշել են գերատեսչությունից։

Ավելի վաղ Էկոնոմիկայի նախարար Գևորգ Պապոյանը հայտնել էր, որ Սոնգուշվիլիի այցի ընթացքում խնդիրը վերջնականապես կլուծվի։