Պեսկովն արձագանքել է Լավրով-Ռուբիո հնարավոր բանակցություններին

Ռուսաստանի Դաշնության նախագահի մամուլի քարտուղար Դմիտրի Պեսկովը հայտնել է, որ Կրեմլը միայն կողջունի ՌԴ արտաքին գործերի նախարար Սերգեյ Լավրովի և ԱՄՆ պետքարտուղար Մարկո Ռուբիոյի հավանական հանդիպումը։

Մինչ այս, ԱՄՆ պետքարտուղար Մարկո Ռուբիոն պատրաստակամություն էր հայտնել Հարավարևելյան Ասիայի Ազգերի Ասոցիացիայի գագաթնաժողովի շրջանակներում հանդիպում ունենալ Ռուսաստանի արտաքին գործերի նախարար Սերգեյ Լավրովի, ինչպես նաև ՉԺՀ արտաքին քաղաքական գերատեսչության ղեկավար Վան Իի հետ։

«Եթե արտաքին գործերի նախարարների մակարդակով շփում լինի, մենք դա միայն կողջունենք», - ԶԼՄ-ների ներկայացուցիչներին ասել է Պեսկովը։