Զելենսկին հայտարարել Է երրորդ փուլի մասին
Մայիսի 25-ին տեղի կունենա Ռուսաստանի և Ուկրաինայի միջև ռազմագերիների փոխանակման երրորդ փուլը: Այս մասին հայտարարել է Ուկրաինայի նախագահ Վլադիմիր Զելենսկին իր Telegram ալիքում:
«Խնդիրն այն է, որ ազատ արձակվեն բացարձակապես բոլոր նրանք, ովքեր ներկայումս պահվում են Ռուսաստանում։ Սա հետախուզական գործակալությունների, դիվանագետների և ամբողջ պետության համատեղ ջանք է», - ասել է Զելենսկին։
Նա ընդգծել է, որ երկու օրվա ընթացքում արդեն ազատ է արձակվել 697 ուկրաինացի։ Փոխանակումը տեղի է ունեցել Ստամբուլում ձեռք բերված պայմանավորվածությունների շրջանակներում:
Հիշեցնենք՝ մայիսի 16-ին Ստամբուլում կայացած բանակցությունների ընթացքում կողմերը պայմանավորվել են գերիների փոխանակման մասին՝ 1000-ը 1000-ի դիմաց բանաձևով:
