ԱՄՆ-ն մեծ քանակությամբ հիպերձայնային հրթիռներ է ստեղծում

Միացյալ Նահանգները մեծ քանակությամբ հիպերձայնային հրթիռներ է ստեղծում: Այս մասին Վեսթ Փոյնթի ռազմական ակադեմիայում կայացած արարողության ժամանակ հայտարարել է ԱՄՆ նախագահ Դոնալդ Թրամփը։

«Մենք դրանք մշակել ենք։ Հիմա մենք դրանք մեծ քանակությամբ ենք կառուցում», – ասել է Թրամփը։

Նա պնդել է, որ ամերիկյան հրթիռների նախագծերը, ենթադրաբար, գողացվել են Բարաք Օբամայի նախագահության ժամանակ։

Հիշեցնենք՝ Թրամփը նախկինում պնդել էր, որ Ռուսաստանը, իբրև, Միացյալ Նահանգներից գողացել է «սուպեր-դուպեր հրթիռի» նախագծերը։ Սրան ի պատասխան՝ Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ռուսաստանի Դաշնությունն ունի իր սեփական գերազանց հրթիռը, որը աշխարհում անալոգ չունի։