Դա մի քիչ ոչ էլեգանտ է. Լավրով
Ռուսաստանի արտգործնախարար Սերգեյ Լավրովն անիրատեսական է համարում Վատիկանում ուկրաինական ճգնաժամի կարգավորման շուրջ բանակցություններ անցկացնելու ձևաչափը:
«Ուզում եմ ասել, որ մտավոր ունակությունները չծախսեն այնպիսի տարբերակներ մշակելու վրա, որոնք այնքան էլ իրատեսական չեն։ Պատկերացրեք Վատիկանը որպես բանակցությունների անցկացման վայր, դա մի քիչ ոչ էլեգանտ է, եթե ուղղափառ երկրները կաթոլիկ հարթակում հակամարտության նախապատճառներին վերաբերող հարցեր քննարկեն։ Իսկ նախապատճառներից մեկը ռուս ուղղափառ եկեղեցու հեռացումն է»,-հայտարարել է ՌԴ ԱԳ նախարար Սերգեյ Լավրովը Հարավ-ռուսական պատմական հողերին նվիրված բարձր մակարդակի խորհրդաժողովում։
Վատիկանի համար, նրա խոսքով, նույնպես անհարմար կլիներ ընդունել երկու ուղղափառ երկրների (Ռուսաստան և Ուկրաինա) հանդիպումը:
Լավրովը նշել է, որ բանակցությունների երկրորդ փուլ է լինելու, հուշագրի վրա աշխատում են և առաջընթացի փուլում են: Նա հստակեցրել է, որ բանակցությունների ժամկետները դեռ չեն որոշվել։
ՌԴ ԱԳ նախարարը նշել է, որ Վլադիմիր Զելենսկու լեգիտիմության հարցը սկզբունքային նշանակություն կունենա Ուկրաինայի հետ խաղաղության համաձայնագրի ստորագրման ժամանակ: Բայց Մոսկվան չի հրաժարվում շփումներից։
