Իրանի հետ այս գործարքը կարող է ավարտվել երկու եղանակով. Թրամփ

ԱՄՆ նախագահ Դոնալդ Թրամփը կարծում է, որ Իրանի հետ Իրանի միջուկային ծրագրի շուրջ բանակցությունները ճիշտ ուղղությամբ են ընթանում: Այս մասին լրագրողների հետ ճեպազրույցի ժամանակ հայտարարել է Սպիտակ տան մամուլի քարտուղար Քերոլայն Լևիտը: 

Նա նշել է, որ ավելի վաղ Թրամփը հեռախոսազրույց է ունեցել Իսրայելի վարչապետ Բենյամին Նեթանյահուի հետ, որի ընթացքում նրանք քննարկել են Վաշինգտոնում Իսրայելի դեսպանատան երկու աշխատակիցների սպանությունը:

«Բայց նրանք նաև խոսել են Իրանի հետ հնարավոր գործարքի մասին, որը, նախագահի կարծիքով, ճիշտ ուղղությամբ է ընթանում», - նշել է Լևիտը։

Նա հավելել է. «Եվ ինչպես նախագահն ասաց ինձ, և ինչպես նա ասաց ձեզ բոլորիդ, Իրանի հետ այս գործարքը կարող է ավարտվել երկու եղանակով։ Այն կարող է ավարտվել շատ դրական դիվանագիտական որոշմամբ, կամ կարող է հանգեցնել Իրանի համար խիստ բացասական իրավիճակի։ Հենց այդ պատճառով այդ բանակցությունները կկայանան ընթացիկ շաբաթվա վերջին»: