Պուտինի օգնականը մանրամասներ է հայտնել Թրամփի հետ զրույցից

ԱՄՆ-ի և Ռուսաստանի նախագահների զրույցը բավականին երկար էր՝ տևեց 2 ժամ 5 րոպե: Այս մասին հայտարարել է Պուտինի օգնական Յուրի Ուշակովը։

Ըստ նրա՝ Պուտինը շնորհավորել է Թրամփին 11-րդ թոռան ծննդյան կապակցությամբ՝ նորածնին և ԱՄՆ առաջնորդի դստերն առողջություն մաղթելով։

Նա հավելել է, որ զրույցը եղել է անկեղծ և կառուցողական, և տեղի է ունեցել փոխադարձ հարգանքի ոգով։

«Առաջնորդները քննարկել են Ռուսաստանի և Միացյալ Նահանգների միջև հարաբերությունների վիճակը և արտահայտվել դրանց հետագա կարգավորման օգտին։ Նախագահները քննարկել են գերիների փոխանակման հարցեր, և Կրեմլը հայտնել է, որ քննարկվում են քաղաքացիների փոխանակման ծրագրեր՝ «9-ը՝ 9-ի դիմաց» սկզբունքով։

«Թրամփը Ռուսաստանին համարում է Միացյալ Նահանգների ամենակարևոր գործընկերներից մեկը», -ասել է Ուշակովը և հավելել, որ Պուտինը և Թրամփը համաձայնել են շարունակել երկխոսությունը բոլոր հարցերի, դրանց թվում՝ Ուկրաինայի շուրջ։

Նա նշել է, որ ԱՄՆ-ի Ռուսաստանի նախագահները միմյանց դիմել են Դոնալդ և Վլադիմիր անուններով, և նրանցից ոչ մեկը չի ցանկացել առաջինն անջատել հեռախոսազանգը: 

Ուշակովը եզրափակել է. «Ղեկավարները չեն բացառում անձնական հանդիպման անցկացումը, վայրը և ամսաթվերը դեռևս որոշված ​​չեն: Զրույցի ընթացքում Ռուսաստանի և Ուկրաինայի միջև հրադադարի վերաբերյալ հնարավոր համաձայնագրի հասնելու ժամկետների մասին խոսք չի եղել»: 

Նրա խոսքով՝ Թրամփը Ռուսաստան կժամանի հակամարտության ավարտից հետո։