Ռուբիոն՝ Թրամփի և Պուտինի հանդիպման մասին

ԱՄՆ պետքարտուղար Մարկո Ռուբիոն CBS News-ին տված հարցազրույցում հայտարարել է, որ ԱՄՆ նախագահ Դոնալդ Թրամփը ցանկանում է որքան հնարավոր է շուտ հանդիպել իր ռուս գործընկեր Վլադիմիր Պուտինի հետ։

Դիվանագետի խոսքով՝ սա կպահանջի «մի փոքր աշխատանք»։

«Նախագահն արդեն հրապարակավ ներկայացրել է այս առաջարկը: Կարծում եմ՝ ռուսական կողմը նույնպես պատրաստակամություն է հայտնել դա անելու։ Այսպիսով, հիմա մենք խոսում ենք բոլորին միասին հավաքելու և որոշելու մասին, թե որտեղ և երբ է տեղի ունենալու այս հանդիպումը, և ինչի մասին է այն լինելու», - ասել է Պետդեպարտամենտի ղեկավարը։