ՌԴ-ն Կիևի խնդրանքը ընդունել է ի գիտություն․ Մեդինսկի

ՌԴ-ն և Ուկրաինան կներկայացնեն հնարավոր ապագա հրադադարի իրենց տեսլականը։ Այս մասին հայտարարել է ՌԴ նախագահի օգնական Վլադիմիր Մեդինսկին, գրում է «ՏԱՍՍ»-ը։

«Ուկրաինական կողմի հետ ուղիղ բանակցությունները նոր են ավարտվել, արդյունքը դեռ լավ է, պատրաստ ենք  շարունակել շփումները։  ՌԴ-ն և Ուկրաինան  կփոխանակեն գերիներին 1000-ը 1000-ի դիմաց ձևաչափով»,- ասել է ՌԴ նախագահի օգնականը։

Նախագահի օգնականի խոսքով՝ Կիևը բանակցությունների ժամանակ խնդրել է պետությունների ղեկավարների հանդիպում, ՌԴ-ն դա ընդունել է ի գիտություն։

Հավելենք՝ ՌԴ-ն և Ուկրաինան կներկայացնեն հնարավոր ապագա հրադադարի իրենց տեսլականը։