Պուտինը վախեցավ․ այս պատերազմը պետք է ավարտվի․ Զելենսկի
Պուտինի՝ Թուրքիա գալու դեպքում մենք կունենայինք պատերազմը դադարեցնելու իրական հնարավորություններ։ Այս մասին հայտարարել Է Ուկրաինայի նախագահ Վլադիմիր Զելենսկին՝ ելույթ ունենալով Տիրանայում եվրոպական քաղաքական հանրության 6-րդ գագաթնաժողովի շրջանակում առաջին լիագումար նստաշրջանում, գրում է RBC-Ukraine-ն։
«Այս պատերազմը, Ռուսաստանի պատերազմը Ուկրաինայի դեմ, պետք է հնարավորինս շուտ ավարտվի, Ուկրաինային խաղաղություն է պետք։ Եթե Պուտինը չվախենար այս շաբաթ Թուրքիա գալ, մենք իրական հնարավորություն կունենայինք դադարեցնել այս պատերազմը։ Ես պատրաստ էի Պուտինի հետ անմիջական հանդիպման Ստամբուլում կամ Անկարայում, և ոչ միայն հանդիպման, այլ բոլոր կարևոր հարցերը լուծելու համար։ Բայց նա ոչնչի չհամաձայնվեց։ Ինչպես տեսնում եք, Ռուսաստանը շատ ցածր մակարդակի պատվիրակություն է ուղարկել Ստամբուլ», - ասել է Զելենսկին։
Հավելենք՝ Ռուսաստանի և Ուկրաինայի պատվիրակությունների ստամբուլյան բանակցություններն ավարտվել են։
