Մենք պետք է հանդիպենք ու կհանդիպենք․ Թրամփ
ԱՄՆ նախագահ Դոնալդ Թրամփն ավելի վաղ հայտնել էր, որ կարող է զանգահարել Ռուսաստանի նախագահ Վլադիմիր Պուտինին՝ Ուկրաինայում շարունակվող պատերազմի կարգավորման հարցը քննարկելու համար։ Այս մասին հաղորդում է CNN-ը։
ԱՄՆ նախագահը Աբու Դաբիից մեկնելիս լրագրողների հետ զրույցում ասել է. «Մենք պետք է հանդիպենք, և կհանդիպենք»:
Թրամփի խոսքով՝ իրական պատկեր տեսնելու համար հանդիպում է պետք։
«Կարծում եմ՝ մենք կլուծենք դա, իսկ եթե ոչ, գոնե կհասկանանք իրական պատկերը։ Իսկ եթե անգամ չկարողանանք լուծում գտնել, դա, միևնույն է, շատ հետաքրքիր կլինի»,- հավելել է Թրամփը։
