Բանակցություններից հետո Ուկրաինայի ԱԳՆ խոսնակը հայտարարություն է տարածել
Ուկրաինան Միացյալ Նահանգներին է ուղարկել Ստամբուլում կայացած բանակցությունների արդյունքների վերաբերյալ տեղեկատվություն, հայտարարել է երկրի արտաքին գործերի նախարարության խոսնակ Գեորգի Տիխին։ Այս մասին նա հայտարարել է Ռուսաստանի և Ուկրաինայի պատվիրակությունների հանդիպումից հետո կայացած ճեպազրույցի ժամանակ, որը վերջին երեք տարվա ընթացքում առաջինն էր, հաղորդում է «ՌԻԱ Նովոստի»-ն։
Բանակցությունները վարել է Թուրքիայի արտաքին գործերի նախարար Հաքան Ֆիդանը և ավարտվել են Մոսկվայի ժամանակով ժամը 15:20-ին՝ տևելով մոտ երկու ժամ։
«Ուկրաինական կողմն արդեն տեղեկացրել է իր ամերիկացի գործընկերներին արդյունքների մասին», - ընդգծել է Տիխին։
Բանակցությունների ավարտից հետո Թուրքիայի արտաքին գործերի նախարար Հաքան Ֆիդանը հայտնել է, որ Ռուսաստանի և Ուկրաինայի պատվիրակությունները սկզբունքային համաձայնության են եկել բանակցությունների նոր փուլի վերաբերյալ։ Ստամբուլում բանակցություններին պատվիրակությունը գլխավորող Ուկրաինայի պաշտպանության նախարար Ռուստեմ Ումերովը հրաժարվել է մեկնաբանել երկխոսության հետագա քայլերը։
