Թրամփը չի գնա Թուրքիա․Reuters
ԱՄՆ նախագահ Դոնալդ Թրամփը չի մեկնի Թուրքիա՝ մասնակցելու Ռուսաստանի և Ուկրաինայի միջև բանակցություններին։ Այս մասին հայտնել է Reuters գործակալությունը՝ վկայակոչելով ամերիկացի պաշտոնյաների աղբյուրին։
Նշվում է, որ վարչակազմի ներկայացուցիչը նման տվյալներ է հայտնել այն բանից հետո, երբ ՌԴ նախագահ Վլադիմիր Պուտինը հաստատել է Ուկրաինայի հետ բանակցությունների համար ռուսական պատվիրակության կազմը։
Հիշեցնենք՝ Թրամփը նախկինում չէր բացառել մայիսի 15-ին Ստամբուլ իր այցը հաստատված ժամանակացույցից դուրս՝ մասնակցելու ուկրաինական կարգավորման բանակցություններին։
