Քաղաքականություն

Ես չգիտեմ, թե որտեղից է այս տեղեկությունը. Ռուբիո

Ես չգիտեմ, թե որտեղից է այս տեղեկությունը. Ռուբիո
Վաշինգտոնը դեմ չէ Ուկրաինայի նախագահ Վլադիմիր Զելենսկիին՝ Հաագայում կայանալիք ՆԱՏՕ-ի գագաթնաժողովին հրավիրելուն։ Այս մասին այսօր Անթալիայում ՆԱՏՕ-ի արտգործնախարարների ոչ պաշտոնական հանդիպումից հետո…

Վաշինգտոնը դեմ չէ Ուկրաինայի նախագահ Վլադիմիր Զելենսկիին՝ Հաագայում կայանալիք ՆԱՏՕ-ի գագաթնաժողովին հրավիրելուն։ Այս մասին այսօր Անթալիայում ՆԱՏՕ-ի արտգործնախարարների ոչ պաշտոնական հանդիպումից հետո լրագրողներին ասել է ԱՄՆ պետքարտուղար Մարկո Ռուբիոն։


Ռուբիոն հերքել է ԶԼՄ-ների այն տեղեկությունները, թե ամերիկյան կողմը իբր դեմ է Զելենսկիին Հյուսիսատլանտյան դաշինքի գագաթնաժողովին հրավիրելուն, որը տեղի կունենա Հաագայում հունիսի 24-25-ը։


«Ես չգիտեմ, թե որտեղից է այս տեղեկությունը»,- ասել է նա։


ԱՄՆ պետքարտուղարը նշել է, որ Անթալիայում նախարարների հանդիպման ժամանակ «իր շատ գործընկերներ բարձրացրել են Զելենսկիին հրավիրելու հարցը, և ինքը դեմ չէ եղել դրան»։ Նա նաև հիշեցրել է, որ գագաթնաժողովին ակնկալվում է, որ կմասնակցեն Ասիա-խաղաղօվկիանոսյան չորս երկրների ղեկավարներ, և դաշինքում վաղուց պրակտիկա գոյություն ունի հանդիպումներին հրավիրելու ՆԱՏՕ-ի անդամ չհանդիսացող երկրների ներկայացուցիչներին:


Ավելի վաղ Նիդեռլանդների արտգործնախարար Կասպար Վելդկամպը հայտարարել էր, որ Զելենսկիի և ուկրաինական պատվիրակության մասնակցության հարցը ՆԱՏՕ-ի գագաթնաժողովին կորոշի դաշինքի գլխավոր քարտուղար Մարկ Ռյուտեն։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7468) Միջազգային (3266) ԱՄՆ (2289) Ռուսաստան (2108) Իրան (1738) Ընտրություններ (1273) Ուկրաինա (828) Երևան (799) Իսրայել (759) Ադրբեջան (622) Փաշինյան (561) Եվրոպա (510) Ընդդիմություն (437) Թրամփ (430) Ազգային ժողով (417)

Radio Aurora

Լսել Radio Aurora

Գովազդային տարածք

300x250