Մոսկվան պատրաստ է․ Պեսկով
Մոսկվան պատրաստ է առանց նախապայմանների երկխոսության։ Այս մասին, մեկնաբանելով Ռուսաստանի նախագահ Վլադիմիր Պուտինի՝ բանակցությունները վերսկսելու առաջարկը, հայտարարել է Կրեմլի պաշտոնական ներկայացուցիչ Դմիտրի Պեսկովը, փոխանցում է ՏԱՍՍ-ը։
Պեսկովն ընդգծել է, որ Պուտինը հստակ և աներկբա հայտարարել է Ուկրաինայի հետ առանց նախապայմանների բանակցությունների վերսկսման դիրքորոշումը: Նա հավելել է՝ Մոսկվան պատրաստ է առանց նախապայմանների երկխոսության:
«Ընդհանուր առմամբ, Ռուսաստանը վճռականորեն է տրամադրված լրջորեն փնտրել Ուկրաինայում երկարաժամկետ խաղաղ կարգավորման հասնելու ուղիներ», - ամփոփել Է Պեսկովը:
Ավելի վաղ Ռուսաստանի նախագահ Վլադիմիր Պուտինն առաջարկել էր մայիսի 15-ին Ստամբուլում ուղիղ բանակցություններ սկսել Ուկրաինայի հետ՝ առանց նախապայմանների: Ի պատասխան՝ Ուկրաինայի նախագահ Վլադիմիր Զելենսկին Պուտինին խոստացել է անձամբ սպասել նրան մայիսի 15-ին Թուրքիայում կայանալիք բանակցություններում։
