Նրանց չի կարելի թույլ տալ ստանալ ամենակործանարար զենքը. Գիդեոն Սաար

Իսրայելի արտաքին գործերի նախարար Գիդեոն Սաարը կիրակի օրը հայտարարել է, որ միջազգային հանրությունը պետք է թույլ չտա, որ, իր խոսքով, «աշխարհի ամենավտանգավոր ռեժիմը» (նկատի ունի Իրանը) ստանա «ամենավտանգավոր զենքը»՝ միջուկային զենքը:

Ելույթ ունենալով մամուլի ասուլիսում՝ Իսրայելի արտգործնախարար Գիդեոն Սաարն ընդգծել է, որ Իրանը լուրջ սպառնալիք է ներկայացնում գլոբալ անվտանգության համար:

«Իրանը աշխարհի ամենավտանգավոր պետությունն է։ Այդ ռեժիմին չի կարելի թույլ տալ ստանալ ամենակործանարար զենքը», — հայտարարել է նախարարը, փոխանցում է AFP-ն։

Այս հայտարարությունը հնչել է ԱՄՆ-ի և Իրանի միջև միջուկային ծրագրի շուրջ շարունակվող բանակցությունների ֆոնին, որոնք մտահոգություն են առաջացնում Իսրայելում: