Մեր նպատակը խաղաղությունն է, այդ թվում՝ Ադրբեջանի և Հայաստանի միջև․ Լանդաու
Ես պատիվ եմ ունեցել ականատես լինելու, թե ինչպես է պետքարտուղար Ռուբիոն վերջին օրերին անդադար հեռախոսազրույցներ ունեցել Հնդկաստանի և Պակիստանի ղեկավարների հետ՝ իրավիճակի վտանգավոր էսկալացիան կանխելու համար։ Այս մասին X սոցցանցում գրել է ԱՄՆ պետքարտուղարի տեղակալ Քրիստոֆեր Լանդաուն։
«Նախագահ Դոնալդ Թրամփը և փոխնախագահ Ջեյ Դի Վենսը հստակ հասկացրել են բոլորիս, որոնք աշխատում են իրենց վարչակազմում, որ մեր նպատակն է նպաստել ԽԱՂԱՂՈՒԹՅԱՆ հաստատմանը՝ լինի դա Հնդկաստանի և Պակիստանի, Ռուսաստանի և Ուկրաինայի, Իսրայելի և նրա հարևանների, Կոնգոյի Դեմոկրատական Հանրապետության և Ռուանդայի, Ադրբեջանի և Հայաստանի, թե այլ երկրների միջև։
Որպես դիվանագետներ, և, անկեղծ ասած, որպես մարդիկ, մենք կոչված ենք կանխելու կամ դադարեցնելու ՊԱՏԵՐԱԶՄՆԵՐԸ։ Մենք հպարտ ենք, որ մեր թիմն այսօր կարողացավ կատարել այս խոստումը, և երախտագիտություն ենք հայտնում Հնդկաստանի և Պակիստանի ղեկավարությանը այն բանի համար, որ նրանք ընտրեցին խոհեմությունն և զսպվածությունը»,- նշել է Լանդաուն։
