ԱՄՆ-ն, Եվրոպան և Ուկրաինան պատրաստել են 22 կետից բաղկացած հրադադարի ծրագիր
ԱՄՆ-ն, Եվրոպան և Ուկրաինան պատրաստել են 22 կետից բաղկացած հրադադարի ծրագիր, որը շուտով կներկայացվի Ռուսաստանի նախագահ Վլադիմիր Պուտինին։ Կետերից մեկը 30 - օրյա հրադադարն է։ Այս մասին հայտնում է NBC News-ը՝ վկայակոչելով իր աղբյուրները:
Հիմնական կետերից է՝ ԱՄՆ-ի պարտավորությունը՝ չաջակցել Ուկրաինայի անդամակցությանը ՆԱՏՕ-ին։
ԱՄՆ նախագահի հատուկ ներկայացուցիչ Սթիվ Ուիթքոֆն այդ փաստաթուղթը կներկայացնի Ռուսաստանի առաջնորդ Վլադիմիր Պուտինին:
«Եթե Պուտինը ցանկանում է ելք գտնել, ահա նրա ելքը», — ասել է պարբերականի զրուցակիցը:
Լրատվամիջոցի աղբյուրները չեն բացահայտել Ուկրաինայի հակամարտության կարգավորման վերաբերյալ մյուս առաջարկների բովանդակությունը:
